Malltezi tregon dokumentet: Rasti Dumani provë e 'vetingut selektiv', vila e Kombinatit dhe versionet e kundërta
Ish-kreu i Prokurorisë së Posaçme (SPAK), Altin Dumani, akuzohet se ka mashtruar dhe falsifikuar dokumentet në lidhje me pasurinë e tij, një vilë trekatëshe në zonën e Kombinatit në Tiranë.
Gjatë një interviste në edicionin e orës 16:00 me gazetarin Edvin Parruca në SYRI TV, drejtuesi i Departamentit të Mjedisit në Partinë Demokratike Jamarbër Malltezi ka paraqitur një sërë dokumentesh që dëshmojnë mospërputhje flagrante në deklarimet e zotit Dumani, duke hedhur dyshime të rënda mbi procesin e Vetingut dhe integritetin e drejtuesit të institucionit kryesor të luftës kundër korrupsionit.
Në qendër të akuzave qëndron një kontradiktë mes dy dokumenteve zyrtare. Nga njëra anë, një deklaratë noteriale e vitit 2019 nga vjehrri dhe vjehrra e Dumanit pretendon se ata e kanë ndërtuar vilën me paratë e tyre, të siguruara nga një misionar anglez, në periudhën 1999-2003. Sipas kësaj deklarate, ata kishin filluar të jetonin aty që në vitin 2000, ndërsa zoti Dumani nuk kishte asnjë kontribut financiar, pasi ishte martuar me vajzën e tyre në vitin 2003.
Nga ana tjetër, kontrata e shitblerjes së truallit ku është ndërtuar vila mban datën 24 shtator 2004. Në këtë kontratë, prona specifikohet si "tokë arë e lirë", çka ngre pyetjen thelbësore: si mund të ishte ndërtuar një vilë trekatëshe prej pesë vitesh mbi një truall që ligjërisht ishte ende tokë bujqësore dhe u ble vetëm në vitin 2004?
Sipas Malltezit, ky manovrim është bërë me një qëllim të qartë: për të fshehur burimin e paligjshëm të të ardhurave dhe për të shmangur përgjegjësinë ligjore. Duke qenë se toka është blerë në vitin 2004, zoti Dumani do të duhej të justifikonte me të ardhurat e tij ndërtimin e vilës. Për të shmangur këtë, sipas Malltezit , është sajuar historia e ndërtimit të vilës para martesës së tij.
Ky version, sipas Malltezit, u bë i nevojshëm sidomos pas vitit 2019, kur një prokurore tjetër, u shkarkua nga Vetingu pasi familja e bashkëshortit të saj kishte kryer një ndërtim pa leje në tokën e tyre. Për të mos rënë në të njëjtin "grackë", Malltezi shprehet se Dumani ka përdorur deklaratën noteriale për të distancuar veten nga çdo ndërtim i mundshëm i paligjshëm.
Malltezi argumenton se Vetingu nuk ka qenë një proces filtrues, por një "fasadë" dhe një mjet për kapje politike nga kryeministri Edi Rama.
Malltezi:
Atëherë, së pari, kjo është e rëndësishme për të treguar që zoti Dumani është marrë peng nga Edi Rama dhe gjithashtu për të treguar që procesi i vetingut ka qenë thjesht lustër, ka qenë fasadë, sepse përmes këtij vetingu janë lejuar të kalojnë raste kaq të rënda sa kjo e sotmja, por ndërkohë janë hequr nga detyra prokurorë dhe gjyqtarë të cilët kanë qenë me integritet të lartë dhe janë janë sajuar, janë bërë sajesa për t'i përzënë këto. Pra, procesi i vetingut është përdorur për të luftuar politikisht ato që nuk i bindeshin në mënyrë të verbër urdhërave të Edi Ramës. Këto janë dy elementët do të thoja.
Është shumë e ngjashme me me zonjën Gjoka. Pra, pikërisht këto persona të cilët kanë shkelje shumë të rënda, ë, shkelje penale të rënda, këto përdoren nga Edi Rama, i kalojnë vetingun me gjithë këto shkelje të rënda dhe mbahen peng nga Edi Rama për proceset e tij si i keqpërdorur më pas. Po të kemi parasysh, kjo nuk është hera e parë që i del Dumanit një gjë e tillë. Prokurori Dumani e bukura është që e ka dhe te raporti i vetingut. Imagjinoje se çfarë niveli është, saqë në faqe shtatë thonë që ka bërë porosi, porosinë e apartamentit tek djali i xhaxhait i gruas. Dumani e ka bërë kontratë porosie në 2006-ën, por thotë ka filluar të banojë që në 2004-ën. Pra, kontrata e porosisë bëhet kur nuk është ndërtuar objekti, meqënë do ishte kontratë shitje e thjeshtë. Nuk ishte pse kontratë porosie që do të ndërtohej. Dhe ky jetonte tek ajo që do ndërtonte që dy vjet e para para se të bënte kontratën e porosisë. Pra, gjëra të tilla që bëjnë mu. Në rastin konkret, ne kemi një situatë të tillë.
Ka një deklaratë noteriale të vjehrrit dhe vjehrrës së zotit Dumani, e bërë para noteres publike Alma Poshi, me numër 1516 repertori dhe 432 kolone, në 2019-ën. Me anë të së cilës çfarë thonë këto? E para thonë që vila trekatëshe është ndërtuar nga neve në 99 deri 2003. E dyta thonë që zoti Dumani nuk ka kontribuar fare sepse është martuar në 2003-in. E treta thonë që kemi filluar të jetojmë në këtë vilë qysh në vitin 2000. Dhe e katërta thonë, paratë për këtë vilë, sepse këto ishin pensionistë, i kanë siguruar nga një misionar anglez rreth 45.000 pound. Tani, një vilë trekatëshe me 45.000 pound, qartazi, domethënë është ekzagjeruar.
Megjithatë, çfarë kemi ndërkohë nga dokumenti tjetër që kemi? Dokument i cili është përdorur në dosjen e legalizimit të vilës. Ne kemi kontratën e shitjes. Pra, në 2004, më 24 shtator 2004, te një noter tjetër, noter Fatmir Laçi, është bërë kontrata e shitjes dhe kontrata e shitjes është tokë bujqësore, tokë arë e lirë. E kur është? Në shtator 2004. Pra, për atë tokë në të cilën në shtator 2004 dilte tokë arë e lirë, pretendohet nga vjehrria e Altin Dumanit që e kanë ndërtuar që pesë vite përpara, që në 99-ën. Pse ndodh kjo? Domethënë për të kuptuar, pse ndodh kjo? Kjo ndodh për dy arsye. E para sepse zoti Dumani do të duhej të deklaronte si është ndërtuar një vilë trekatëshe, me çfarë parash. Kur toka është blerë në 2004, qartazi kemi të bëjmë me para të pajustifikuara nga zoti Dumani dhe prandaj u përdorën misionarët anglezë që nuk i di njeri se ku ndodhen. Së dyti, kemi një rast akoma më të rëndë. Kur në 2019-ën, prokurorja e parë që u shkarkua nga nga vetingu ishte një prokurore shumë e nderuar.
Nuk e njoh, se kam takuar kurrë, por nga këto që e njihnin, kam dëgjuar fjalë goxha pozitive, një Besa Nikëhasani mos gaboj, për të cilën pse pushuan? E pushuan sepse familja e burrit i thonë, në tokën e tyre, jo në tokë tjetër, kanë ndërtuar o një garazh o diçka pa leje. Pra, këtë ja quajtën shkelje. Ndaj në 2019-ën, meqënëse Besa Nikëhasani këtë ja quajtën shkelje, zoti Dumani mendoi që ta justifikonte që kjo është ndërtuar para se të martohej Dumani. Pra, nuk kam lidhje unë se është bërë para se të martohesha unë se meqënë ne nuk do e lejoja. Mirëpo këtu ka rënë brenda me të dyja këmbët sepse ka mashtruar. Dhe ky është një mashtrim shumë i rëndë. Sepse kur ti tokën në 2004 të del tokë arë e lirë, dhe nga dokumenti i ZRPP-së, edhe në kontratë, edhe nga ky kryetari i mini-bashkisë së Kombinatit, është tokë arë. Si mund të jetë ndërtuar tek kjo tokë arë pesë vite më përpara? Para se të shitej toka, pesë vite përpara është ndërtuar. Kështu që kjo, kjo bën mu. Nuk ka. Ky është qartazi një, një tentativë mashtrimi nga ana e Altin Dumanit. E bukura është që kjo deklaratë noteriale me sa më kanë thënë është hequr nga vetingu.
Pra është paraqitur për të kaluar vetingun dhe më pas është hequr nga vetingu pse? Sepse bënte mu. Por kjo ndodhet, është dokument zyrtar, ndodhet pranë noteres publike Alma Poshi, kështu që është e detyruar t'ia vëjë në dispozicion. Pra këtu ne kemi të bëjmë qartazi me mashtrim, me falsifikim dokumentash, me falsifikim dokumentash të të vetingut dhe prandaj po të kemi parasysh, zoti Dumani e nxori, e mbajti, u përpoq që të shëmtonte fytyrën e tij për të pastruar atë të Irena Gjokës. Sepse dhe Irena Gjoka ka mashtruar në veting. Po meqënëse Dumani është peng dhe ka mashtruar në veting, hajde të kalojmë dhe njëra dorë të lajë tjetrën. Por të dyja duart janë duar të ndyra, të të keqpërdorura nga Edi Rama.
Jo vetëm po zhgënjehet, por thjesht e gjithë kjo që ju thatë është bërë e gjitha që Edi Rama të kapi gjithë sistemin e drejtësisë. E para është bërë që të kapi gjithë sistemin e drejtësisë, por për fat të keq ka çuar në kolaps të gjithë sistemin e drejtësisë. Ju thatë që ne kemi sakrifikuar që të bëhet gjykata e posaçme për të luftuar korrupsionin. Të lutem zoti Parruca, sa para nga korrupsioni janë kthyer në buxhetin e shtetit? Më pak se 1%. Më pak se 1%. E imagjinoni dot? Pra, gjithë sistemi është kthyer në kolaps, pse? Vetëm që Edi Rama të kapte drejtësinë dhe ta përdorte sipas dëshirës së tij.