Ushtria izraelite dërgon në burg ushtarët që shkelën dhe fotografuan statujën e Virgjëreshës Mari në Liban

Ushtria izraelite ka burgosur dy ushtarë që përdhosën dhe fotografuan një statujë të Virgjëreshës Mari në jug të Libanit. Një foto e incidentit qarkulloi në mediat sociale, ku tregohej një nga ushtarët duke mbajtur një cigare në grykën e statujës. Mediat shkruajnë se në kuadër të kësaj, ushtari u dënua me 21 ditë burg ushtarak. 

"IDF e sheh incidentin me ashpërsi të madhe dhe respekton lirinë e fesë dhe adhurimit, si dhe vendet e shenjta dhe simbolet fetare të të gjitha feve dhe komuniteteve", tha ushtria në një deklaratë.

IDF tha se incidenti, i cili ndodhi në fshatin kryesisht të krishterë të Debel, ndodhi disa javë më parë. Pas kësaj, pasuan edhe dy incidente të tjera në të njëjtin fshat.  Ushtria burgosi dy trupa dhe mori në pyetje gjashtë të tjerë pasi një ushtar izraelit u fotografua duke dëmtuar një statujë të Jezu Krishtit në muajin prill.