Izraeli: Sanksionet e BE, të nxitura nga agjendat politike janë të papranueshme!
"Izraeli e kundërshton me vendosmëri, vendimin për të sanksionuar qytetarë dhe organizata izraelite. BE-ja e bëri zgjedhjen e saj në mënyrë arbitrare, bazuar në pikëpamjet e saj politike dhe pa asnjë bazë.”
Kjo ishte deklarata e bërë nga ministri i Jashtëm izraelit, Gideon Sa'ar në X, duke iu përgjigjur marrëveshjes së arritur në Këshillin e Punëve të Jashtme të BE-së mbi sanksionet kundër kolonëve të dhunshëm izraelitë.
"Krahasimi që BE ka zgjedhur të bëjë midis qytetarëve izraelitë dhe terroristëve të Hamasit është gjithashtu i papranueshëm, një ekuivalencë morale plotësisht e shtrembëruar. Izraeli gjithmonë ka mbrojtur të drejtën e hebrenjve për t'u vendosur në zemër të atdheut tonë."
Israel firmly rejects the decision to impose sanctions on Israeli citizens and organizations.
— Gideon Sa'ar | גדעון סער (@gidonsaar) May 11, 2026
The European Union has chosen, in an arbitrary and political manner, to impose sanctions on Israeli citizens and entities because of their political views and without any basis.…
Përfaqësuesja e Lartë e Bashkimit Evropian (BE) për Punët e Jashtme dhe Politikën e Sigurisë, Kaja Kallas njoftoi se ministrat e Jashtëm të BE-së ranë dakord për sanksione kundër izraelitëve që pushtojnë tokat palestineze dhe përdorin dhunë kundër palestinezëve.
Kallas e bëri njoftimin gjatë Takimit të Ministrave të Jashtëm të BE-së në Bruksel, duke e ndarë atë në llogarinë e mediave sociale të kompanisë X me seli në SHBA.