Nga kaosi te Championsi: Si Michael Carrick ringjalli Manchester United

Michael Carrick mori drejtimin e Manchester United në një nga momentet më të vështira të sezonit, por brenda pak muajsh arriti ta transformojë plotësisht skuadrën dhe ta rikthejë në Ligën e Kampionëve.

Pas largimit të Ruben Amorim, “Djajtë e Kuq” dukeshin pa identitet dhe larg objektivave madhorë.

Megjithatë, Carrick solli qetësi, disiplinë dhe një filozofi të thjeshtë që riktheu rezultatet.

Fitorja dramatike 3-2 ndaj Liverpoolit vulosi matematikisht kualifikimin në Champions League, ndërsa statistikat e trajnerit anglez janë mbresëlënëse: 10 fitore, dy barazime dhe vetëm dy humbje në 14 ndeshje.

Në këtë periudhë, United grumbulloi më shumë pikë se çdo skuadër tjetër në Premier League, duke lënë pas edhe Arsenalin dhe Manchester Cityn.

Sekreti i Carrick nuk ka qenë revolucioni taktik, por rikthimi i “ADN-së” së Manchester Unitedit.

Ai përdori një sistem të thjeshtë 4-2-3-1, duke i dhënë skuadrës stabilitet dhe duke rikthyer frymën e grupit.

Një nga sukseset më të mëdha të tij ishte rilindja e Kobbie Mainoo.

Talenti i akademisë, që dukej jashtë planeve më herët, u kthye në një lojtar kyç dhe protagonist në mesfushë.

Edhe Bruno Fernandes rifitoi rolin e liderit absolut, me paraqitje spektakolare dhe kontribut të madh në gola e asistime.

Carrick ka fituar mbi të gjitha besimin e lojtarëve. Atmosfera në dhomat e zhveshjes është transformuar dhe skuadra tashmë duket e bashkuar, e motivuar dhe me uri për sukses.

Nga një ekip i zhytur në krizë, Manchester United është kthyer sërish në një pretendent serioz — dhe merita më e madhe i takon Michael Carrick.