Xhixho: Ulja e akcizës për naftën pa efekt real, qeveria s’ka marrë asnjë masë konkrete

Deputetja e Partisë së Lirisë, Erisa Xhixho, ka kritikuar qeverinë për mungesë masash efektive në uljen e çmimit të naftës.

Në një postim në rrjetin social FB, Xhixho shkruan se ulja e akcizës me 20% nuk sjell ndikim real për qytetarët, pasi përkthehet në vetëm rreth 9 lekë më pak në çmim.

Sipas saj, kjo masë është e pamjaftueshme dhe nuk adreson barrën e lartë që kanë konsumatorët për karburantin.

Postimi:

Qeveria nuk ka marrë asnjë masë për uljen e çmimit të naftës. Ulja e akcizës me 20% duket si një tallje, pasi ka një efekt prej vetëm 9 lekësh dhe nuk sjell asnjë ndikim real në uljen e çmimit.