Itali - Zhurma e ventilatorit nxjerr 'zbuluar' shqiptarin, kishte shndërruar shtëpinë në laborator kokaine

Zhurma e dyshimtë e një ventilatori alarmoi fqinjët italianë, të cilët më pas telefonuan policinë.

Oficerët mbërritën në Via Teramo, në zonën e Baronës për të kontrolluar banesë,  dhe zbuluan aty një  laborator përpunimi droge në një apartament ku jetonte një 56-vjeçar shqiptar . Ai u arrestua më vonë për posedim me qëllim shitjen e narkotikëve, raportojnë mediat italiane.

Raporti i fqinjëve

Hetimi nga stacioni i policisë në Porta Ticinese filloi pas ankesave nga disa banorë të ndërtesës, të cilët dyshonin për zhurma natën, që mund të gjurmoheshin te një ventilator që punonte.

Çelësat e apartamentit

Pasi morën raportime, oficerët vendosën të hetonin. Të mërkurën, më 29 prill, ata arrestuan burrin që besohej se jetonte në apartament. Fillimisht, 56-vjeçari shqiptar rezistoi pak, por në fund ia dorëzoi çelësat e apartamentit policisë.

Zbulimi

Brenda shtëpisë u gjetën peshore precize, një makinë thithëse, shishe me aceton të pastër, telefona celularë dhe ora luksoze.

Zbulimi më i rëndësishëm u bë në garazhin përkatës falë ndërhyrjes së njësive të qenve të Policisë Vendore: kokainë e lëngshme u gjet brenda dy bidonëve 20 litra, një metodë e përdorur për të shmangur kontrollet gjatë transportit.

Oficerët sekuestruan gjithashtu një ngrohës me ventilator që përdorej për të ngurtësuar substancën, gjë që do të konfirmonte burimin e zhurmave që dëgjonin banorët. Burri u arrestua për posedim të lëndëve narkotike me qëllim shpërndarjen e tyre.