Konjufca falënderon kongresistët amerikanë për rezolutën e anëtarësimit të Kosovës në NATO

Kryediplomati në detyrë i Kosovës, Glauk Konjufca, ka përshëndetur rezolutën e paraqitur nga tre kongresistë amerikanë që mbështet anëtarësimin e Kosovës në NATO.

Ai e ka vlerësuar këtë nismë si një hap të rëndësishëm për sigurinë rajonale.

“E mirëpres prezantimin e rezolutës dypartiake në Dhomën e Përfaqësuesve të SHBA-së në mbështetje të anëtarësimit të Kosovës në NATO, dhe i falënderoj kongresistët Keith Self, Ritchie Torres dhe Mike Lawler për mbështetjen dhe përkushtimin e tyre të vazhdueshëm për sigurinë në Ballkanin Perëndimor”.

I welcome the introduction of the bipartisan resolution in the US House of Representatives in support of Kosova’s membership in @NATO, and I thank Congressmen @RepKeithSelf, @RepRitchie, and @RepMikeLawler for their support and steady commitment to security in the Western…

— Glauk Konjufca (@KonjufcaGlauk) May 1, 2026

“Kosova është e gatshme të kontribuojë në sigurinë e rajonit dhe të komunitetit transatlantik”, ka thënë Konjufca përmes një postimi në X.