VIDEO/ Al Nassr ‘vrapon’ drejt titullit, Ronaldo shënon golin e 970-të në karrierë
Al Nassr po i afrohet gjithnjë e më shumë titullit në kampionatin saudit, teksa ka marrë një fitore shumë të rëndësishme ndaj Al Ahli të Franck Kessié, në ndeshjen e javës së 30-të të Saudi Pro League.
Ekipi i drejtuar nga Jorge Jesus dominoi sfidën dhe tregoi forcën e tij në momentet vendimtare, duke hedhur një hap të madh drejt trofeut. Ndeshja u zhbllokua nga një moment historik, kur Cristiano Ronaldo shënoi golin e tij të 970-të në karrierë, pas një asistimi të bukur nga João Félix. Sulmuesi portugez tregoi edhe një herë instinktin e tij vrasës para portës.
Al-Nassr [1]-0 Al Ahli - Cristiano Ronaldo 76'
by
u/TheCarthageEmpire in
soccer
Pak më vonë, avantazhi u dyfishua nga Kingsley Coman, ish-lojtar i Juventusit, i cili vulosi rezultatin 2-0 dhe i dha qetësi të plotë Al Nassr-it. Kjo fitore e çon ekipin në +8 pikë në krye të renditjes, përpara Al Hilal të drejtuar nga Simone Inzaghi, duke e bërë gjithnjë e më reale mundësinë e titullit.
Me vetëm katër ndeshje të mbetura deri në fund të sezonit, Al Nassr është shumë pranë suksesit historik. Në kalendarin e tyre të mbetur përfshihen sfida ndaj Al Qadsiah, Al Shabab, Al Hilal dhe Damac, të cilat do të vendosin fatin e kampionatit.
Përveç kampionatit, skuadra saudite vazhdon garën edhe në kompeticionet e tjera, duke treguar ambicie të mëdha për një sezon historik në futbollin aziatik.
Al Nassr [2] - 0 Al Ahli - Kingsley Coman great goal 90'
by
u/yoursofunnybruv in
soccer