Të paktën 14 persona humbin jetën në një aksident treni në Xhakarta

Të paktën 14 persona u vranë dhe 84 të tjerë u plagosën në një përplasje midis dy trenave pranë kryeqytetit indonezian, Xhakarta, njoftoi sot kompania shtetërore hekurudhore PT Kereta Api Indonesia (KAI).

Siç u tha, aksidenti ndodhi të hënën në mbrëmje në stacionin Bekasi Timur në Xhakarta , kur treni ndërkombëtar Argo Bromo Angrek goditi pjesën e pasme të një treni udhëtarësh të linjës KRL Commuter Line të ndaluar.

Të 14 viktimat ishin pasagjerë femra në trenin periferik, shumë prej të cilave ishin në vagonin e grave, ndërsa pasagjerët në trenin ndërqytetas shpëtuan pa lëndime serioze.

Për shkak të përplasjes së fortë , shumë pasagjerë mbetën të bllokuar në vagonët e shtypur deri në mëngjes.

Drejtori i KAI-t, Bobby Rasidin, tha se evakuimi i të gjithë personave të kapur ka përfunduar këtë mëngjes deri në orën 8:45 sipas kohës lokale dhe se personat e vdekur u transferuan në spitalin RS Polri Kramat Jati për identifikim. Të plagosurit u dërguan në disa qendra mjekësore në zonë.

Presidenti indonezian Prabowo Subianto ka urdhëruar një hetim të plotë për shkakun e aksidentit. Sipas informacioneve të para, përplasja ndodhi pasi treni periferik u ndal papritur, dhe policia dhe shërbimet kompetente ende po përcaktojnë të gjitha rrethanat.