Barcelonës i duhen 5 fitore për rekordin unik

Barcelona është shumë pranë një arritjeje të rrallë në La Liga, teksa synon të prekë kuotën magjike të 100 pikëve këtë sezon. Nën drejtimin e Hansi Flick, katalanasit kanë grumbulluar 85 pikë pas 33 ndeshjesh dhe ndodhen vetëm pesë fitore larg historisë.

Llogaria është e qartë: pesë ndeshje, pesë fitore. Çdo gabim do të shuante menjëherë këtë objektiv ambicioz, duke e bërë fundin e sezonit një provë të vërtetë karakteri për skuadrën blaugrana.

Një rekord i tillë nuk është i panjohur për Barcelonën.

Vetëm një herë në histori klubi ka arritur 100 pikë, në sezonin 2012-2013 nën drejtimin e Tito Vilanova, në një edicion që mbetet ndër më dominuesit ndonjëherë.

Po ashtu, skuadra ka prekur kuotën e 99 pikëve me Pep Guardiolën dhe 96 pikë në një tjetër sezon të suksesshëm.

Tani, ekipi i Flick ka një mundësi të artë për të barazuar këtë rekord legjendar, por rruga nuk është aspak e lehtë.

Në kalendar spikat edhe përballja vendimtare ndaj Real Madridit, që mund të jetë çelësi i gjithë sezonit.

Barcelona ka treguar qëndrueshmëri dhe dominim gjatë gjithë kampionatit, por për të hyrë përfundimisht në histori, i duhet një mbyllje perfekte.

Pesë finale i ndajnë katalanasit nga “pavdekësia” në La Liga.