Televizioni shtetëror iranian: Kalimi në Ngushticën e Hormuzit do të bëhet me leje të IRGC-së, anijet ushtarake ndalohen

Më herët sot, Ministri i Jashtëm i Iranit, Abbas Araghchi, tha se “kalimi për të gjitha anijet tregtare përmes Ngushticës së Hormuzit është shpallur plotësisht i hapur për periudhën e mbetur të armëpushimit” në një postim në X.

Televizioni shtetëror iranian tani ka cituar një “zyrtar të lartë ushtarak” duke thënë se kalimi i këtyre anijeve do të bëhet përmes një “rruge të përcaktuar” dhe me lejen e marinës së IRGC-së (Forcat e Gardës Revolucionare Islamike), raporton BBC.

Sipas këtij zyrtari, rruga e përcaktuar është vendosur nga Organizata e Porteve dhe e Transportit Detar e Iranit.

Po sipas televizionit shtetëror iranian, duke cituar të njëjtin zyrtar të lartë ushtarak, kalimi i anijeve ushtarake përmes Ngushticës së Hormuzit do të mbetet i “ndaluar”.