VIDEO/ E rëndë në Vlorë, fëmija 3-vjeç bie nga ballkoni i katit të 4, ndërron jetë në spital

Një fëmijë trevjeçar ka rënë nga ballkoni i një pallati shumëkatësh, dyshohet nga kati i katërt, në zonën e Skeles.

Sipas burimeve për SYRI-n, menjëherë në vendngjarje kanë mbërritur ambulanca, të cilat e kanë transportuar të miturin drejt Spitalit Rajonal të Vlorës.

Mjekët bëjnë me dije se gjendja shëndetësore e fëmijës u paraqit shumë e rëndë, për shkak të dëmtimeve të shumta të marra nga rënia, duke ndërruar jetë në spital. 

Vlorë/ Informacion paraprak

Sot, rreth orës 18:20, në lagjen “Pavarësia 3”, një fëmijë 2 vjeç, dyshohet se aksidentalisht ka rënë nga ballkoni i banesës në pallatin ku banonte dhe për pasojë  ka ndërruar jetë në vend.

Nga të dhënat paraprake rezulton se fëmija ndodhej në banesë së bashku me nënën e tij, shtetasen K. H.

Grupi hetimor nën drejtimin e Prokurorisë ndodhet në vendngjarje dhe po vijon punën për sqarimin dhe dokumentimin e plotë të rrethanave të ngjarjes.