Ndahet nga jeta kongresmeni i njohur amerikan, miku i madh i shqiptarëve, Eliot Engel

Është ndarë nga jeta kongresmeni i mirënjohur amerikan, mbështetësi i madh i çështjes shqiptare në Uashington DC, Eliot Engel.

Kongresisti Eliot Engel është ndarë sot nga jeta në moshën 79-vjeçare. Ai kishte përfaqësuar New York-un në Dhomën e Përfaqësuesve nga  viti 1989 e deri më 2021.

Engel kishte qenë zë i fuqishëm në ShBA për kauzën e shqiptarëve, sidomos asaj të Kosovës.

Ai i kishte bërë thirrje presidentit të atëhershëm amerikan, Bill Clinton, që të interventonte në Kosovë dhe të ndalonte spastrimin etnik të shqiptarve nga forcat serbe.

Kontributi i tij kishte vijuar edhe pas luftës, pasi Engeli kishte qenë proponent i pavarësisë së Kosovës që eventualisht erdhi më 2008.

Lajmi është konfirmuar nga konteja e Westchester, ku drejtuesi lokal Ken Jenkins, lëshoi sot një deklaratë, më 10 prill 2026, duke nderuar jetën dhe karrierën e ish-kongresmenit Eliot Engel pas ndarjes së tij nga jeta.

Eliot Engel ishte 79 vjeç kur u nda nga jeta. Ai lindi më 18 shkurt 1947 në Bronks dhe vdiq sot, më 10 prill 2026.

Jenkins e përshkroi Engel-in si një ‘shërbyes publik të palodhshëm’ i cili i dedikoi më shumë se 30 vjet përfaqësimit të Bronksit dhe Westchester-it. Deklarata nënvizoi disa aspekte kyçe të trashëgimisë së tij:

Ai u vlerësua si një mbrojtës i vendosur i votuesve të tij në Nju Jork, duke u fokusuar vazhdimisht në nevojat e komuniteteve të tij vendase.

Deklarata vuri në dukje rolin e tij me ndikim si Kryetar i Komitetit të Punëve të Jashtme të Dhomës së Përfaqësuesve, ku ai ndihmoi në formësimin e politikës së jashtme të Shteteve të Bashkuara dhe mbrojti të drejtat e njeriut.

Jenkins vlerësoi bindjen e Engel-it dhe mirëkuptimin e tij se zyra publike është një përgjegjësi për t'u shërbyer njerëzve.

Drejtuesit e Kontesë i ka shprehur ngushëllimet e tij familjes dhe miqve të Engel-it, duke vënë në dukje se ndikimi i tij në rajon dhe në vend do të ndihet për breza me radhë.

Westchester County Executive Ken Jenkins Statement on the Passing of Congressman Eliot Engel

“We are deeply saddened to learn of the passing of former Congressman Eliot Engel, a tireless public servant who devoted more than three decades to representing the people of New York.… pic.twitter.com/LWG6R5TRsN

— Westchester Gov (@westchestergov) April 10, 2026