Paralajmëron Trump: Nëse bisedimet dështojnë, pasojat për Iranin do të jenë shumë të dhimbshme

Presidenti i SHBA-së, Donald Trump, ka shprehur optimizëm se një marrëveshje paqeje me Iranin është pranë, në prag të një misioni diplomatik të udhëhequr nga zëvendëspresidenti J.D. Vance në Pakistan.

Në një intervistë telefonike për NBC News, Trump u shpreh se udhëheqja iraniane tregohet më e hapur në bisedimet private sesa në deklaratat publike.

“Ata flasin shumë ndryshe kur negociojnë sesa kur i drejtohen shtypit. Ata janë shumë më të arsyeshëm”, tha ai, duke shtuar se Teherani ka pranuar kushtet bazë për një marrëveshje.

Megjithatë, presidenti amerikan paralajmëroi se nëse negociatat dështojnë, pasojat do të jenë “shumë të dhimbshme”.

Ndërkohë, armëpushimi i brishtë mes SHBA-së dhe Iranit po vihet në provë, teksa operacionet ushtarake izraelite vijojnë në jug të Libanit, një zonë ku operon Hezbollahu.