Moza nuk është sukses, por dështimi ynë
Nga Altin Joka
Mimoza nuk u krijua sot. As lindi nga pena e portaleve.
Mimoza Ahmeti sot thjesht u zbulua nga nje shoqeri qe nuk lexon, nje shoqeri pa kulture e pa respekt per permbajtjen, nje shoqeri qe adhuron formen.
Moza ka qene edhe para 20 vitesh, para 10 vitesh, para 2 vitesh. Ka shkruar, ka folur, ka menduar dhe ka jetuar midis nesh. Ka dhene batuta qe sot duken “virale”, por ne krahasim me ato qe ka thene ne promovime librash, keto te sotmet jane te vogla.
Aty ku vetem 2 veta i shperndanin dhe shumica e tallnin, dje askush nuk i degjonte.
Sepse nuk ishte ne Ferma VIP, nuk ishte ne nje show. Dhe kjo eshte tragjedia jone, por edhe turpi jone si shoqeri, ky eshte degradimi. Nuk ndryshoi Mimoza, ndryshoi vendi ku u vendos dhe qe duhej shitur dhe kjo nxori ne pah te verteten e hidhur…
Nuk respektohet vlera, por ekspozimi. Nese nuk tundesh, nese nuk shitesh, nese nuk le peng shpirtin, nese nuk ke lidhje, para, nuk hap shalet e tund vithet,sben botoks apo silikon, nuk ekziston.
Dhe kush e krijoi kete realitet?
Analistet, VIPat, portalet, televizionet ju qe sot flisni per “fenomenin Moza”, jeni po ata qe per vite keni bombarduar publikun dhe femijet me nje mesazh te gabuar:
Mos lexo, mos studio, shiko pamjen, lidhu me dike te forte, shit veten dhe rruga hapet. Sot cdo 3-4 postime del Moza, cdo studio flet per te, cdo analist ben moral, por ne fakt po tregoni sa pak keni njohur dhe sa pak keni vleresuar.
Çfare po mesojme sot? Qe duhet te futesh ne spektakel, te shesesh veten, te pranosh cdo kusht, te jetosh nen vezhgim 24 ore, sepse nuk ka rendesi cfare shkruan, sa lexon, sa mendon dhe kush je ne te vertete.
Moza nuk eshte sukses, Moza eshte deshtimi yne, deshtimi i shoqerise, i mediave, i politikave kulturore, i studiove plot me analiste bosh, i moderatoreve qe ngrene zera pa vlere dhe i televizioneve qe promovojne sharlatane dhe kurvllek,sahanlepirsa
Dhe me e keqja eshte se askush nuk turperohet.
Analistet krenohen me statuset per Mozen, VIP-at bejne imitime, publiku qesh, dhe askush nuk ndalon te pyese: ku ishim ne kur kjo vlere ekzistonte? Sa e sa te tjere jane si Moza dhe me te zgjuar e mend se Moza qe kane karakter dhe jane vetvetja????
Une nuk kam shkruar asnje fjale per dite me radhe, sepse me erdhi turp nga kjo maskarade, turp nga publiku qe qesh, nga VIPat qe imitojne, nga njerez qe mbajne poste dhe nuk e meritojne, nga zera qe flasin pa peshe.
Televizionet shpresoj te nxjerrin pak mesim qe te ndryshojne kurs promovimesh,boll me prostitucion e mashtrime,boll me bullizime e kurvlleqe…
Sot po shkruaj, jo per Mozen, por per ne. Sepse nese nuk reflektojme, do vazhdojme te zbulojme neser te tjere po te kene fatin ate qe kemi injoruar per ter jeten…