Ernest Muçi, në dyshim për derbin, aktivizimi vendoset në minutat e fundit

Ernest Muçi mbetet një pikëpyetje për derbin e madh që Trabzonspori do të luajë kundër Galatasaray-t. ‘Ylli’ shqiptar u kthye nga grumbullimi me Shqipërinë dhe mori pjesë në stërvitjen me ekipin dje, por gjendja e tij për ndeshjen vendimtare mbetet e paqartë.

Sot, Muçi kreu një seancë stërvitore në palestër, duke vazhduar programin e tij të rikuperimit. Trajneri do të vendosë për pjesëmarrjen e tij në minutat përpara fillimit të ndeshjes, duke marrë parasysh gjendjen fizike të sulmuesit dhe nevojën për të menaxhuar mirë energjinë e tij pas angazhimeve me Kombëtaren.

Për momentin, pjesëmarrja e Muçi-t në këtë derbi të rëndësishëm mbetet e hapur, duke krijuar një atmosferë optimiste mes tifozëve të Trabzonsporit, të cilët shpresojnë të shohin ‘yllin’ e tyre në fushë. Trajneri i skuadrës pritet të japë vendimin final vetëm pak para fillimit të sfidës, për të siguruar që sulmuesi shqiptar të mos rrezikojë lëndime të reja dhe të kontribuojë maksimalisht në përpjekjet për fitoren e ekipit.