Berisha: Nisma Vuçiç-Rama ka ngjallur përçmim të madh në Evropë! Përfundoi aty ku e ka vendin

Kreu i Partisë Demokratike deklaroi gjatë një dalje për mediat në selinë e PD se,”nisma Vuçiç-Rama ka ngjallur përçmim të madh në Evropë!”

“Kjo nismë ka përfunduar aty ku e ka vendin”. Tha kreu demokrat.

Deklarata

Berisha: Mund të them se ka ngjallur përçmim të madh nisma Vuçiç-Rama në Evropë.

Është kuptuar si një përpjekje e dy pengmarrësve të vendeve të tyre, që nuk kanë interesa të tjera përveç interesave të pushtetit të tyre.

Edhe vende të cilat kanë një skepticizëm të qartë në procesin e zgjerimit të BE, dëshmojnë mospajtim të plotë me këtë nismë të ndërmarrë nga dy diktatorë autoritarë, nga dy individë të lidhur këmbë e kokë me krimin, me bandat dhe trafiqet.

Pra, nisma Vuçiç-Rama po përfundon aty ku e ka vendin.

Ka ngjallur përçmim dhe ka dëshmuar se këta dy zyrtarë nuk kanë interesa të tjera përveç interesave të tyre kriminale dhe të xhepit.