Bosnjë–Itali, formacionet zyrtare: Gattuso konfirmon 11-shen e së enjtes, Esposito në stol

Janë publikuar formacionet zyrtare të sfidës mes Bosnjë Hercegovinës dhe Italisë, e cila do të zhvillohet në Zenica duke nisur nga ora 20:45 dhe do të përcaktojë se cila nga këto dy skuadra do të sigurojë një vend në Kupën e Botës 2026.

Në kampin italian gjithçka është konfirmuar, me trajnerin Gennaro Gattuso që ka vendosur të hedhë në fushë të njëjtin formacion që fitoi ndaj Irlandës së Veriut të enjten në Bergamo. Në sulm do të jenë Moise Kean dhe Mateo Retegui, ndërsa Sebastiano Esposito do ta nisë ndeshjen nga stoli. Mesfusha drejtohet nga Manuel Locatelli, ndërsa Alessandro Bastoni konfirmohet në qendër të mbrojtjes përpara portierit Gianluigi Donnarumma.

Nga ana tjetër, te Bosnjë Hercegovina ka një ndryshim të rëndësishëm: Tahirovic mbetet jashtë formacionit titullar, ndërsa në mesfushë do të luajë Basic përkrah Sunjic. Talenti i ri i vitlindjes 2007, Alajbegovic, do ta nisë ndeshjen nga stoli, ndërsa në sulm janë Demirovic dhe kapiteni Edin Dzeko.

Formacionet zyrtare:

Bosnjë dhe Hercegovina (4-4-2): Vasilj; Dedic, Katic, Muharemovic, Kolasinac; Bajraktarevic, Basic, Sunjic, Memic; Demirovic, Dzeko.

Italia (3-5-2): Donnarumma; Mancini, Bastoni, Calafiori; Politano, Barella, Locatelli, Tonali, Dimarco; Kean, Retegui.

Ndeshja do të gjykohet nga arbitri francez Clément Turpin, i ndihmuar nga bashkëkombasit Nicolas Danis dhe Benjamin Pages, ndërsa në sistemin VAR do të jenë Jérôme Brisard dhe Willy Delajod. Gjyqtari i katërt është spanjolli José María Sánchez.