'Ëndrra e Botërorit është afër'/ Muriqi: Me përkrahjen e tifozëve, gjithçka do të jetë më e lehtë
Sulmuesi i Kosovës, Vedat Muriqi, falënderoi tifozët për mbështetjen pas fitores 4-3 ndaj Sllovakisë dhe tha se ekipi është shumë pranë realizimit të një ëndrre historike.
“Na ka mbetur edhe një hap i vogël për të arritur Kupën e Botës dhe për të shkruar histori. Shpresoj ta realizoj këtë qëllim personal dhe t’u japim lumturi njerëzve në Kosovë,” tha Muriqi.
Në një video të publikuar nga Federata e Futbollit e Kosovës, ai theksoi rëndësinë e tifozëve dhe atmosferës në stadium për ndeshjen vendimtare ndaj Turqisë në “Fadil Vokrri”: “I dimë cilësitë e Turqisë, por i njohim edhe pikat e dobëta të tyre. Me përkrahjen e tifozëve, gjithçka do të jetë më e lehtë.”
Kosova tashmë është vetëm një hap larg një arritjeje historike, dhe me udhëheqës si Muriqi, ëndrra e Botërorit duket më pranë se kurrë.