Titullarë ndaj Polonisë/ Gjimshiti luan ndeshjen e 70-të me Kombëtaren, Hysaj përmirëson rekordin

 Elseid Hysaj është preferuar titullar nga trajneri Silvinjo ndaj Polonisë.

Mbrojtësi i Kombëtares përmirëson kështu rekordin si lojtari me më tepër paraqitje te kuqezinjtë, duke e pasur ndeshjen numër 97 të tij.

Kapiteni Berat Gjimshiti do të luajë ndeshjen e tij të 70-të, duke u vendosur në të njëjtën kuotë si Andi Lila.

Pas tij kanë mbetur emra si Igli Tare dhe Alban Bushi.

Pjesa tjetër e lojtarëve që mund të luajnë sot, numërojnë më pak se 50 paraqitje.

Sfida ndaj Polonisë është historike, pasi kuqezinjtë luajnë për një biletë në Botërorin 2026.