'Fat që nuk do kandidoj' -Iriqi bisedon me Ervin Salianjin

Iriqi:-U bënë muaj që bredh nëpër Shqipëri…

Salianji:-Po pa punë, o Iriq, andaj. Shtyj kohën.

Iriqi:-Po ti thua që po bën takime me simpatizantë?

Salianji:-E vërtetë. Ata që vijnë janë si unë. Rrimë që rrimë dëgjojmë dhe këtë mavrinë, thonë te kafja.

Iriqi:-Pse thua mavrinë?

Salianji:-Nga që askush nuk e ka mendjen te unë atë çast. Dhe u kujtohet shkopi i bejzbollit.

Iriqi:-Po pse bredh atëhere?

Salianji:-Që të dal në tv. Jam i ri dhe beqar unë. Kupton?

Iriqi:-Vërtet do të kandidosh në maj për kryetar PD-je?

Salianji:-Në takime kështu them, por…

Iriqi:-Por?

Salianji:-Por u gëzova kur më thanë, je i vetëpërjashtuar.

Iriqi:-Pse u gëzove?

Salianji:-Se më shpëtuan ore. Qoftëlarg të më lejonin. As votën time nuk do merrja. Ndërsa kështu llap e llap që PD nuk do garë, që ka frikë nga unë e tërci vërci.

Iriqi:-Dje the që Saliu ia ka borxh Ramës të rrijë kryeministër deri në 2033.

Salianji:-Po. E thashë.

Iriqi:-E vërtetë?

Salianji:-O Iriq a e di ti pse u dënova unë?

Iriqi:-Jo.

Salianji:-Po për shpifje, o. Për shpifje.

Iriqi:-Dhe?

Salianji:-Dhe shoshiti, mendoi  mirë pra ato fjalë që lëshoj nga goja. Ok?