VIDEO/ Aksidenti tragjik në aeroportin e Nju Jorkut, momenti kur avioni përplaset me zjarrfikësen gjatë uljes
Një video e publikuar së fundmi në rrjetet sociale tregon momentet dramatike para aksidentit fatal në pistën e aeroportit LaGuardia në Nju Jork, ku një avion i Air Canada përplasi një automjet zjarrfikës.
Në pamjet, avioni i linjës Air Canada, që vinte nga Montreal, shihet duke lëvizur në pistë ndërsa një zjarrfikëse me drita emergjence kalon përpara tij. Më pas, pjesa e përparme e avionit godet automjetin.
🚨 HORROR FOOTAGE: Video shows Air Canada Flight AC8646 colliding with a Port Authority fire truck at LaGuardia Airport.
— Breaking911 (@Breaking911) March 23, 2026
Both pilots are dead. Dozens of passengers and two on the truck were injured.
LGA remains closed as NTSB investigates.
pic.twitter.com/QtV3CMs3Uz
Si pasojë e përplasjes, të dy pilotët humbën jetën. Njëri prej tyre është identifikuar si Antoine Forest.
Nga aksidenti u lënduan dhjetëra pasagjerë dhe dy persona që ndodheshin brenda zjarrfikëses. 41 persona, përfshirë pasagjerët dhe ekuipazhin, u transportuan në spitalet lokale.
Aeroporti i LaGuardia u mbyll pas aksidentit, ndërsa autoritetet e emergjencës punuan për të pastruar pjesët e avionit dhe automjetit të dëmtuar. Aeroporti rifilloi punën më 2 pasdite të hënën, por me kapacitet të reduktuar, dhe autoritetet paralajmërojnë udhëtarët për vonesa dhe anulime të mundshme.