VIDEO/ Vazhdojnë polamikat, Guinea pretendon t'i jepet trofeu i humbur përballë Marokut pas 50 vitesh

Guinea rikthehet në skenën e futbollit afrikan me një pretendim historik pas vendimit të CAF për t’ia dorëzuar Kupën e Afrikës 2026 Marokut, 58 ditë pas finales. Ky veprim ka rihapur debate dhe kujtime të një epoke tjetër, që daton 50 vjet më parë, në 1976.

Në atë vit, turneu përdorte një format me një grup final prej katër skuadrash, ku edhe Guinea ishte pjesë. Në atë finale të zhvilluar në Addis Abeba, Maroku u tërhoq nga fusha për disa minuta pas një vendimi arbitral, një gjest i ngjashëm me atë që Senegali bëri në vitin 2026. Sfida e fundit e grupit u kthye në një finale të vërtetë: Guinea mund të fitonte trofeun me një fitore, ndërsa Marokut i mjaftonte barazimi.

Pas golit të Guineas në rreth minutës së 30-të, lojtarët marokenë u larguan nga fusha për protestë dhe u kthyen vetëm pas më shumë se 10 minutash. Në minutat përfundimtare, Maroku arriti të barazonte rezultatin pak para fundit të ndeshjes dhe fitoi trofeun falë barazimit 1-1 dhe pikës së marrë.

Federata e futbollit të Guineas tashmë kërkon një rivlerësim dhe dorëzimin e Kupës së Afrikës 1976, duke theksuar se trajtimi i vendosur nga CAF ndaj Marokut në 2026 duhet të nxisë drejtësi historike. Ky pretendim rikthen në vëmendje një nga episodet më të diskutueshme të historisë së futbollit afrikan.

50 ans de silence… et soudain, la Guinée crie : “Rendez-nous notre CAN 1976 !” ⚽🏆

Match décisif : Maroc quitte le terrain en pleine protestation pendant 10 à 15 mn, revient… et rafle le titre (1-1).
Aujourd’hui, après la décision de la CAF déclarant le Sénégal forfait pour… pic.twitter.com/RVJbk2qRLK

— Chouaib (@chbmaiga) March 20, 2026