Lista e Belgjikës/ Garcia riktheu De Bruyne-n dhe Lukaku-n në kombëtare

Trajneri i Belgjikës, Rudi Garcia, ka shpallur listën e lojtarëve për dy ndeshjet miqësore që Belgjika do të zhvillojë javën e ardhshme në Amerikën e Veriut.

Mes surprizave pozitive janë Kevin De Bruyne dhe Romelu Lukaku, të cilët rikthehen pas dëmtimeve dhe janë përsëri të gatshëm për të përfaqësuar kombëtaren. Garcia ka thirrur gjithsej 28 lojtarë, ndër të cilët edhe tre debutues absolutë: mesfushori 17-vjeçar Nathan De Cat, sulmuesi Lucas Stassin dhe krahu i avancuar Mika Godts.

Trajneri francez theksoi se ka preferuar një grup të gjerë lojtarësh për shkak të rikthimeve nga dëmtimet, por edhe për të vëzhguar nga afër talentët e rinj të Belgjikës.

Ndërkohë, portieri i Real Madrid, Thibaut Courtois, mungon për shkak të një tërheqjeje muskulare në kofshën e djathtë gjatë një ndeshjeje të Champions League dhe pritet të qëndrojë jashtë fushave për afërsisht gjashtë javë.

Kthimi i De Bruyne-s dhe Lukaku-t jep një frymë optimiste për skuadrën belge, ndërsa debutimet e të rinjve premtojnë perspektiva të reja për të ardhmen e kombëtares.