U vra në një sulm nga Izraeli, kush ishte Esmail Khatib?

Ministri i Mbrojtjes i Izraelit, Israel Katz, tha se Ministri i Inteligjencës i Iranit, Esmail Khatib, është vrarë.

"Mbrëmë u eliminua edhe Ministri i Inteligjencës i Iranit, Khatib," thotë Katz në një deklaratë.

Kush ishte Esmail Khatib?

Esmail Khatib u emërua ministër i inteligjencës së Iranit nga ish-presidenti i ndjerë, Ebrahim Raisi, në vitin 2021.

Ai studioi jurisprudencë islame nën drejtimin e shumë klerikëve të lartë, përfshirë udhëheqësin e ndjerë suprem të Iranit, Ajatollah Ali Khamenei.

Ai ka mbajtur poste të larta në ministrinë e inteligjencës dhe në Zyrën e Udhëheqësit Suprem.

Ai u sanksionua nga Thesari i SHBA-së për rolin e tij si kreu i Ministrisë së Inteligjencës së Iranit "për përfshirje në aktivitete kibernetike kundër Shteteve të Bashkuara dhe aleatëve të saj" në vitin 2022.

Raportohet se Khatib iu bashkua Trupave të Gardës Revolucionare Islamike (IRGC) në vitin 1980, menjëherë pas Revolucionit Islamik të vitit 1979.