‘Brukseli refuzon të përballet me realitetin’, Orban: BE s’mund ta kapërcejë krizën pa naftën ruse!

Kryeministri hungarez, Viktor Orban ka bërë thirrje që Bashkimi Evropian t’i hapë rrugën naftës ruse, në mënyrë që të përballojë krizën energjetike, në një kohë kur lufta e SHBA ndaj Iranit ka ndikuar në tregjet ndërkombëtare.

Përmes një video të postuar në rrjetet sociale, duke sulmuar përsëri Brukselin dhe Presidentin ukrainas Volodymyr Zelensky, Orban tha se në ditën e 11 të bllokadës së naftës nga Ukraina, Brukseli refuzon të përballet me realitetin.

"Jemi në ditën e nëntëmbëdhjetë të bllokadës së naftës nga Ukraina. Ekspertëve tanë ende po u mohohet qasja në "Tubacionin e Miqësisë Druzbha", ndërsa Brukseli vazhdon të refuzojë të përballet me realitetin: Evropa nuk mund ta kapërcejë krizën e saj energjitike pa naftë të lirë ruse, megjithatë sanksionet mbeten në fuqi”, u shpreh Orban në video-mesazhin.

 "Nesër do të marshojmë për paqe. Është koha për të hedhur poshtë shantazhin ukrainas: Zelensky nuk do të japë urdhra këtu", shtoi ai.

Më herët, Presidentja e Komisionit Evropian, Ursula von der Leyen e konsideroi një gabim strategjik, rikthimin e BE te nafta ruse.

Bashkimi Evropian dhe udhëheqësit e saj i kanë bërë thirrje presidentit amerikan, Donald Trump të rishikojë vendimin e tij për lehtësimin e sanksioneve ndaj Moskës.