Imuniteti i Ballukut/ Mijëra qytetarë ‘rrethojnë’ Kuvendin, kërkojnë që deputetja e PS t'i dorëzohet drejtësisë

Paralelisht me seancën parlamentare të kësaj të enjteje, 12 mars ku priten diskutime të forta në radhët e opozitës për çështjen e imunitetit të ish numrit dy të qeverisë, njëkohësisht deputete e PS, Belinda Balluku, qindra mijëra qytetarë janë mbledhur para Kuvendit në shenjë proteste.

Ata janë mobilizuar nga e gjithë Shqipëria, duke iu bashkuar thirrjes së opozitës për t’u ngritur kundër një mazhorance të korruptuar dhe inkriminuar që pavarësisht babëzisë në vjedhje e korrupsion nuk i lëshon zyrtarët e lartë të përfshirë në afera, të dokumentuara nga SPAK.

Rasti është ai i deputetes së PS, Belinda Balluku, ku Prokuroria e Posaçme ka paraqitur prej dy muajsh kërkesën në Kuvend për heqjen e imunitetin, gjë e cila ka hasur në kundërshtimin e fortë dhe të ashpër të kryeministrit Edi Rama, i cili prerazi e ka bërë të qartë se nuk do ta lejojë një veprim të tillë.

Ndërsa protestuesit janë mbledhur para Kuvendit të Shqipërisë, edhe trupat diplomatike të akredituar në Shqipëri nuk ka mbetur pas në ndjekjen e zhvillimeve në vendin tonë.

Pas Gjermanisë, e cila kërkon që zyrtarët e lartë të hetohen dhe të vihen para drejtësisë, Ambasada Britaninë në Tiranë përmes një reagimi të shkurtër, foli qartë se ashkush nuk duhet të mbetet pa u ndëshkuar, pasi të gjithë duhet të jenë të barabartë pa ligjit, qofshi  këta zyrtarë të lartë apo qytetarë të thjeshtë.

Mesazhet e ndërkombëtarëve vijnë si një presion i madh ndaj kryeministrit Edi Rama për hetimin e krimit dhe korrupsionit në nivele të larta shtetërore, teksa me mbrojtjen që kryesocialisti po u bën të tijve, rrezikon ëndrrën evropiane të Shqipërisë drejt integrimit në BE.