Zyrtari iranian pretendon: Mund të synojmë çdo vendndodhje që zgjedhim

Kryetari i Parlamentit iranian, Bagher Ghalibaf, ka pohuar se ushtria e vendit të tij është e aftë të shënjestrojë "çdo vendndodhje" që zgjedh, raporton CNN.

Duke vepruar kështu, Qalibaf hodhi poshtë pretendimet e Presidentit të SHBA-së Donald Trump se aftësitë e Iranit për lëshimin e raketave janë pothuajse të shkatërruara.

Në një postim në platformën e mediave sociale X, Ghalibaf tha se lëshimet e mëparshme të raketave iraniane kishin për qëllim "verbimin e radarëve dhe sistemeve mbrojtëse të armikut".

Pasoja, tha ai, është se Irani tani mund të "shënjestrojë çdo vendndodhje që zgjedh - me më pak raketa".