VIDEO/ Liverpooli mposhtet nga Galatasaray, vendos goli i Lemina-s
Galatasaray mori një avantazh të vogël ndaj Liverpool-it pas fitores 1-0 në ndeshjen e parë të zhvilluar në Stamboll, duke regjistruar kështu suksesin e dytë ndaj “the Reds” në këtë sezon. Golin e vetëm e shënoi Mario Lemina në minutën e shtatë, pas një asistimi me kokë nga Victor Osimhen, i cili më pas humbi një rast të pastër për të dyfishuar avantazhin.
Liverpool dominoi lojën që nga fillimi, por Galatasaray krijoi rastet më të mira. Salah u zëvendësua pas një paraqitjeje të dobët, ndërsa Osimhen pati një gol të anuluar për pozicion jashtë loje. Ekitiké humbi një rast një kundër një me Ugurcan Çakir që e ndaloi topin.
Galatasaray e ruajti avantazhin 1-0 dhe shkon me moral të lartë në takimin e kthimit në Anfield.