Aksident në Vlorë, plagoset një person

Një aksident është shënuar rreth orës 14:30 në Vlorë.

Sipas informacioneve paraprake, një automjet tip “Benz” me targa AA 210 PJ ka goditur një mjet të parkuar tip “Renault” me targa AB 970 VV.

Si pasojë e përplasjes është lënduar lehtë një person, i cili ka marrë ndihmën e parë dhe ndodhet jashtë rrezikut për jetën.

Në vendngjarje kanë mbërritur efektivët e Policisë së Shtetit, të cilët kanë kryer veprimet procedurale dhe po punojnë për të sqaruar rrethanat e aksidentit.