Arrestohet 22-vjeçari në Dhërmi, kapet me doza kokaine dhe pistoletë me silenciator
Në Dhërmi, një 22-vjeçar është arrestuar pasi u kap në flagrancë duke shpërndarë doza kokaine dhe duke mbajtur me vete një armë sportive pa leje. I riu, banues në Dhërmi, u ndalua teksa lëvizte me automjet, ku gjatë kontrollit iu gjetën disa doza kokaine të ndara dhe gati për shitje.
Gjatë kontrollit në automjet u zbulua gjithashtu një pistoletë sportive me municionin përkatës dhe me silenciator. Lënda narkotike dhe arma u sekuestruan si prova materiale, ndërsa ndaj të riut nisën procedurat ligjore për veprat penale që lidhen me prodhimin dhe shitjen e narkotikëve, si edhe mbajtjen pa leje të armëve sportive.
Materialet për rastin i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme.
Njoftimi i Policisë:
Vlorë/Vijojnë goditjet e njëpasnjëshme kundër shitjes së lëndëve narkotike dhe mbajtjes pa leje të armëve.
Shiste doza Kokaine në Dhërmi, kapet në flagrancë me disa doza dhe me pistoletë sportive, në automjet, vihet në pranga 22-vjeçari.
Sekuestrohen dozat e Kokainës, gati për shitje, dhe pistoleta sportive me silenciator.
Specialistët e Seksionit për Hetimin e Narkotikëve të Drejtorisë Vendore të Policisë Vlorë, në vijim të punës për goditjen e rasteve të shitjes së lëndëve narkotike, në doza, bazuar në informacionet e siguruara në rrugë operative, kanë goditur një tjetër rast të kësaj veprimtarie kriminale.
Shërbimet e Policisë ndaluan në fshatin Dhërmi, automjetin me drejtues shtetasin J. K.
Gjatë kontrollit fizik, shtetasit J. K. iu gjetën disa doza Kokaine, ndërsa gjatë kontrollit në automjet, u gjet një pistoletë sportive, me municionin përkatës dhe me silenciator.Në përfundim të veprimeve procedurale, shtetasi J. K., 22 vjeç, banues në Dhërmi, u arrestua në flagrancë për veprat penale “Prodhimi dhe mbajtja pa leje e armëve të gjuetisë dhe sportive” dhe “Prodhimi dhe shitja e narkotikëve”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.