Alexis Sánchez thyen rekordin e Joaquín, lojtari më i moshuar që shënon në derbin e Seviljes

Një mbrëmje historike për Alexis Sánchez, i cili u shndërrua në surprizën e madhe të formacionit të Sevilla-s në derbin e barazuar 2-2 kundër Real Betisit. Kiliani u aktivizua nga minuta e parë pas lëndimit të minutës së fundit të Neal Maupay, i cili u detyrua të mbetej jashtë listës së lojtarëve të grumbulluar për shkak të një problemi fizik gjatë stërvitjes përpara ndeshjes.

Sánchez shfrytëzoi mundësinë për të shkruar një faqe historie. Me një goditje të fuqishme me kokë, sulmuesi shënoi golin që e bëri atë lojtarin më të vjetër që shënon në derbin e Seviljes: 37 vjeç dhe 72 ditë, duke thyer rekordin e mëparshëm të Joaquín Sánchez, sot drejtues i Betisit, që kishte shënuar kur ishte 37 vjeç dhe 43 ditë. Joaquín ruan ende dy rekorde të tjera: më shumë paraqitje në derbi (27) dhe më shumë humbje (14).

Vlera e golit bëhet edhe më e madhe duke marrë parasysh momentin delikat që po kalonte ish-lojtari i Interit dhe Arsenalit, i kritikuar në javët e fundit, sidomos pas një paraqitjeje jo të mirë në ‘Coliseum’ të Getafes. Në pjesën e dytë, Alexis udhëhoqi skuadrën e tij me energji dhe personalitet, duke drejtuar Sevill-an drejt përmbysjes.

“Kam luajtur gjithmonë në skuadra të mëdha dhe gjithmonë përpiqem të jem protagonist. Falenderoj trajnerin për besimin,” deklaroi ai pas ndeshjes. Për golin, shtoi: “Sulmova në shtyllën e parë sepse dija që Oso do të më shihte; topi që më dha ishte fantastik.”