Pas Khamenei, vriten edhe figura të larta shtetërore dhe ushtarake/ Ja kush janë viktimat

Një numër figurash të larta iraniane janë vrarë në sulmet e së shtunës, që sipas raportimeve janë kryer nga Shtetet e Bashkuara dhe Izrael.

Mes viktimave raportohet se është edhe udhëheqësi suprem i Iranit, Ali Khamenei, i cili sipas burimeve është vrarë në zyrën e tij në orët e para të mëngjesit të së shtunës.

Televizioni shtetëror iranian ka bërë të ditur se në sulmet ajrore ka humbur jetën edhe shefi i shtabit të forcave të armatosura, Abdolrahim Mousavi.

Po ashtu, Teherani ka konfirmuar vdekjen e komandantit të Islamic Revolutionary Guard Corps, gjeneralit Mohammad Pakpour.

Mediat shtetërore raportojnë se në sulm janë vrarë edhe vajza, dhëndri dhe një nip/mbesë e Khameneit.

Sipas burimeve të inteligjencës dhe atyre ushtarake që kanë folur për CBS News, numri total i zyrtarëve iranianë të vrarë në këto sulme arrin në rreth 40.

Autoritetet iraniane nuk kanë dhënë ende një bilanc përfundimtar, ndërsa situata në rajon mbetet e tensionuar./BBC