VIDEO/ Momenti dramatik kur raketa balistike godet Dubain

Dubai u trondit nga momentet dramatike kur një raketë balistike goditi qytetin, duke shkaktuar një zjarr të madh në hotelin Fairmont në Palm Jumeirah.

Pamjet e filmuar nga një ndërtesë përballë tregojnë momentin e impaktit, ku një shpërthim i madh portokalli shpërtheu pranë ballkonit, duke shkaktuar panik te njerëzit aty pranë.

Sipas raportimeve të zyrës së medias, incidenti në Palm Jumeirah rezultoi me katër persona të plagosur, të cilët u dërguan menjëherë në spital. Pamjet e tjera të verifikuara tregojnë re të mëdha tymi që ngrihen mbi hotelin me pesë yje dhe një zjarr të madh para ndërtesës.

Video të filmuar nga automjete që lëvizin ngadalë tregojnë masën e dëmit në arkipelagun artificial të Dubait, i njohur për hotelet e tij luksoze.

Autoritetet e Mbrojtjes Civile të Dubait konfirmuan më pas se zjarri është vendosur nën kontroll.

Ngjarja ka shkaktuar frikë dhe panik mes banorëve dhe turistëve, duke bërë që autoritetet të bëjnë thirrje për kujdes dhe qëndrim brenda derisa situata të normalizohet.