VIDEO/ Pastori që nuk lutet për njerëzit e varfër por për Edi Ramën/ Ja si ministri i Mbrojtjes këndonte në kishën e Paulin Vilajetit

Emërimi i Ermal Nufit në krye të Ministrisë së Mbrojtjes ka rikthyer në vëmendje lidhjet e tij me kishën e drejtuar nga pastori Paulin Vilajeti, i cili më herët ka bërë deklarata publike në mbështetje të kryeministrit Edi Rama.

Në një intervistë televizive, pastori Vilajeti është shprehur se personi që ka më shumë nevojë për lutje është pikërisht kreu i qeverisë.

“Unë mendoj personalisht që njeriu që ka më shumë nevojë për lutje gjithmonë është kryeministri i vendit. Nuk mund ta imagjinoni dot se në çfarë presioni ndodhet kryeministri i një vendi. Janë presione të brendshme dhe të jashtme, të cilat shumë herë, duke i mbajtur mbi vete, mund ta rrëzojnë. Dhe ne nuk mund të kemi një kryeministër të rrëzuar, sepse një kryeministër i rrëzuar mund të marrë një vendim fatal për vendin”, është shprehur pastori Vilajeti.

Ndërkohë, në pamje të publikuara në rrjet, ministri i sapoemëruar i Mbrojtjes, Ermal Nufi, shfaqet duke shërbyer në kishën e drejtuar nga Vilajeti. Nufi u emërua në këtë detyrë nga kryeministri Rama, duke zëvendësuar në post Pirro Vengu.