Muzikantët kanë tri herë më shumë gjasa të vuajnë nga tiniti

Muzikantët kanë tri herë më shumë gjasa të vuajnë nga tiniti, sipas një studimi të ri.

Më shumë se katër në dhjetë muzikantë (42.6%) vuajnë nga ky çrregullim i dëgjimit, i njohur edhe si zhurmë ose fishkëllimë në vesh, krahasuar me pak më shumë se një në tetë persona (13.2%) nga popullsia e përgjithshme, tregon studimi.

Analiza, e botuar në revistën shkencore Otolaryngology, Head and Neck Surgery, përfshiu të dhëna nga 67 studime dhe më shumë se 28,000 muzikantë në 21 vende.

Sipas rezultateve, humbja e dëgjimit prekte 25.7% të muzikantëve, krahasuar me 11.6% të jo-muzikantëve. Ndërkohë, hiperkuzia u raportua nga 37.3% e muzikantëve dhe vetëm 15.3% e jo-muzikantëve.

Ai theksoi se nevojiten profile rreziku më të personalizuara për muzikantët, në mënyrë që të ofrohen këshilla praktike për mbrojtjen e dëgjimit pa cenuar pasionin për muzikën.

Nga muzikantët që përjetuan tiniti, 76.3% e përshkruan atë si të herëpashershëm, ndërsa 15.6% raportuan tiniti të përhershëm. Studimi nuk gjeti dallime domethënëse mes muzikantëve klasikë dhe atyre të rokut apo popit, duke sugjeruar se rreziku i dëgjimit shtrihet në të gjitha zhanret muzikore.