VIDEO/ Reali kërkon përjashtimin e tifozit që bëri përshëndetje naziste në ndeshjen me Benficën
Në ndeshjen e mbrëmshme të Champions League mes Real Madridit dhe Benficës, kamerat televizive kapën një tifoz madrilen duke bërë një përshëndetje naziste në tribunë.
Real Madrid fan performed the Nazi salute at the Bernabéu pic.twitter.com/Vqq6q1utOV
— The Guy (@FootballStage_1) February 26, 2026
Klubi madrilen reagoi përmes një deklarate zyrtare, duke njoftuar se ka nisur menjëherë procedurat për përjashtimin e anëtarit në fjalë.
“Real Madridi njofton se i ka kërkuar urgjentisht Komitetit Disiplinor të klubit të fillojë procedurat e menjëhershme të përjashtimit kundër anëtarit që u kap nga kamerat televizive duke bërë përshëndetjen naziste në zonën ku ndodhet tribuna e tifozëve, pak momente para fillimit të ndeshjes midis Real Madridit dhe Benficës.
Ky anëtar u gjet nga personeli i sigurisë së klubit pak momente pasi u shfaq në transmetim dhe u përjashtua menjëherë nga stadiumi ‘Santiago Bernabéu’.
Real Madridi dënon këto lloj gjestesh dhe shprehjesh që nxisin dhunë dhe urrejtje në sport dhe në shoqëri”, thuhet në deklaratë.