Drita sfidon Celjen për një vend në 1/8 e Ligës së Konferencës, formacionet zyrtare

Drita do të luajë sot në transfertën e Celjes. Ky takim, i vlefshëm për Ligën e Konferencës, do të luhet në orën 18:45.

Sfida e parë e “play-off”-it u mbyll me rezultatin 2-3 në favor të Celjes, me sllovenët që siguruan fitoren falë një goli në minutën e fundit, duke lënë gjithçka të hapur për ndeshjen e kthimit.

Ekipi që do të dalë fitues nga kjo përballje do të sigurojë një vend në fazën e 1/8-ave.

Kampionët e Kosovës synojnë të shkruajnë historinë me një kualifikim të madh në arenën europiane.

Zekirija Ramadani u ka besuar nga minuta e parë dy ish-sulmuesve të Skënderbeut, Krasniqit dhe Balajt, duke kërkuar forcë dhe eksperiencë në repartin ofensiv.