Aksident tragjik në aksin Thumanë-Milot, humb jetën një 59-vjeçar

Një aksident i rëndë rrugor ka ndodhur pasditen e sotme në aksin Thumanë–Milot, ku një kamion është përplasur me një ciklomotor, duke i marrë jetën drejtuesit të këtij të fundit.

Ngjarja ka ndodhur rreth orës 15:00. Viktima, një burrë rreth 59 vjeç, po lëvizte me ciklomotor kur u godit nga kamioni që drejtohej nga një 35-vjeçar i quajtur Lek Bushi. Përplasja rezultoi fatale për drejtuesin e ciklomotorit, i cili ndërroi jetë në vend, pavarësisht ndihmës së shpejtë.

Drejtuesi i kamionit është shoqëruar në Komisariatin e Policisë në Lezhë, ndërsa autoritetet kanë nisur hetimet për të zbardhur shkaqet dhe rrethanat e aksidentit.

Aksi Thumanë–Milot njihet për fluks të lartë qarkullimi dhe problematika të shpeshta në sigurinë rrugore, ndërkohë që policia po punon për sqarimin e plotë të ngjarjes.

Njoftimi i policisë:

Rreth orës 15:00, në aksin rrugor “Thumanë–Milot”, kamioni me drejtues shtetasin B. D., 35 vjeç, është përplasur me ciklomotorin me drejtues shtetasin L. B., rreth 59 vjeç, i cili si pasojë, ka humbur jetën.

Shtetasi B. D. është shoqëruar në Komisariatin e Policisë Lezhë, për kryerjen e veprimeve të mëtejshme procedurale.

Ndërkaq, grupi hetimor vijon punën për sqarimin e rrethanave të aksidentit.