Bill Gates pranon aferën me dy ruset/ Mediat: Epstein ia përdori si mjet presioni

BILD

Bill Gates kalon në ofensivë – dhe kërkon falje nga punonjësit e tij

Gjatë një mbledhjeje të brendshme të Fondacionet Gates, bashkëthemeluesi i Microsoft foli hapur për kontaktet e tij me të dënuarin për krime seksuale, Jeffrey Epstein. Sipas një regjistrimi që i është dhënë “Wall Street Journal”, ai pranoi gjithashtu se gjatë martesës së tij me Melinda Gates kishte pasur dy lidhje me gra ruse. Megjithatë, ai theksoi: “Nuk kam bërë asgjë të paligjshme”.

Sipas raportit, Gates tha se ishte “një gabim i madh” të kalonte kohë me Epsteinin. “Kërkoj falje ndaj të gjithë atyre që u përfshinë në këtë çështje për shkak timin.” Miliarderi shprehu keqardhje që kontaktet e tij me Epstein hodhën gjithashtu një hije mbi fondacionin. Kjo lidhje dëmton reputacionin e organizatës.

Gates pranoi dy lidhje me gra ruse, por këto nuk kishin asnjë lidhje me viktimat e Epstein. “Unë në fakt kisha lidhje – një me një lojtare ruse të brixhit që takova në aktivitet, dhe një me një fizikante bërthamore ruse që takova përmes aktiviteteve të biznesi”.

Që në vitin 2023, “Wall Street Journal” raportoi se Epstein kishte përdorur njohuritë e tij mbi lidhjen e Gates për të ushtruar presion ndaj miliarderit. Gates kishte takuar lojtaren ruse të brixhit rreth vitit 2010, kur ajo ishte në të njëzetat e saj. Epstein e kishte takuar atë në 2013 dhe më vonë kishte paguar për një trajnim në një shkollë programimi. Në 2017, ai i kërkoi Gates përmes email-it të rimbursojë shpenzimet. Sipas Gates, deri atëherë ai kishte ndërprerë kontaktin me Epstein.

Gates gjithashtu përdori aktivitetin për të mbrojtur ish-gruan e tij. Ai tha se ajo gjithmonë kishte qenë skeptike ndaj Epstein. Megjithatë, Gates vazhdoi të kërkonte kontakt me të deri në 2014. Ai fluturoi me avionin privat të Epstein dhe kaloi kohë me të në Francë, Nju Jork dhe Uashington – dhe gjithashtu në Gjermani. “Por nuk kam fjetur asnjëherë atje, – tha Gates. – Asnjëherë nuk kam vizituar ishullin e Epstein. Nuk kam kaluar kohë me viktimat dhe gratë që ishin rreth tij”.

Pasi Gates ndërpreu miqësinë me Epsteinin, ky i fundit thuhet se i shkroi vetes një email, duke thënë se Gates ishte prekur nga një sëmundje seksualisht e transmetueshme gjatë një lidhjeje – dhe kishte kërkuar antibiotikë që t’i jepte fshehurazi ish-gruas së tij Melinda.

Bill dhe Melinda Gates ishin të martuar deri në 2021. Melinda Gates përmendi lidhjet e burrit të saj dhe miqësinë me Epstein si arsye për divorc.