Trump: 9 shtete zotohen me 7 miliardë dollarë ndihmë për Gazën

Presidenti amerikan, Donald Trump, ka njoftuar se nëntë shtete kanë zotuar bashkërisht 7 miliardë dollarë si pako të ndihmës për Gazën.

Kazakistani, Azerbajxhani, Emiratet e Bashkuara Arabe, Maroku, Bahrejni, Katari, Arabia Saudite, Uzbekistani e Kuvajti janë shtetet që kanë bërë zotimin sipas tij.

“Për çdo dollar të shpenzuar, është një investim në stabilitet dhe shpresë për një rajon të ri e në harmoni”, ka thënë Trumpi.

Kjo është vetëm një pjesë e vogël e shumës së parashikuar prej 70 miliardë dollarësh të nevojshme për të rindërtuar territorin palestinez pas dy vjetësh luftimesh.

Ndërkaq në emër të SHBA-së, Trumpi ka zotuar 10 miliardë dollarë për Bordin e Paqes.