VIDEO/ Momente tmerri në Olimpiadë: Sportisti humb ekuilibrin dhe bie pa ndjenja nga lartësia
Momente ankthi u përjetuan në Lojërat Olimpike Dimërore 2026 gjatë kualifikueseve të Big Air për meshkuj, kur talenti finlandez Elias Lajunen humbi ekuilibrin dhe përfundoi në tokë pas një kërcimi me shumë rrotullime.
18-vjeçari u përplas fort në zonën e aterrimit dhe mbeti i shtrirë pa lëvizur për disa sekonda, duke ngrirë atmosferën në impiant dhe duke shqetësuar rivalët dhe tifozët e pranishëm.
This is Elias Lajunen, an 18-year-old Finnish athlete.
— My moms caregiver (@mymomcare) February 16, 2026
A truly frightening video to watch.
Medical reports say he is conscious and able to move his limbs.
Praying for a full recovery 🙏 pic.twitter.com/ATSGKmmmIP
Stafi mjekësor ndërhyri menjëherë dhe e transportoi me barelë jashtë pistës.
Komiteti Olimpik Finlandez bëri me dije se Lajunen e rifitoi shpejt vetëdijen dhe përshëndeti tifozët me gishtin e madh lart gjatë trajtimit mjekësor.
Ai ishte në gjendje të lëvizte gjymtyrët, por u dërgua në spital për ekzaminime të mëtejshme.
Pjesëmarrja e tij në vazhdim të garës mbetet e paqartë.
Disiplina Big Air është një nga më ekstremet në sportet dimërore, ku sportistët marrin shpejtësi të madhe, hidhen nga rampa dhe kryejnë kombinime të rrotullimeve para uljes në pistë të fortë dëbore.
Një gabim i vogël në llogaritje mund ta kthejë spektaklin në një aksident të rrezikshëm, siç ndodhi me të riun finlandez.
Rrëzimi i Lajunen riktheu debatin mbi rrezikun e disiplinave ekstreme në Olimpiadë, ku kufiri mes lavdisë dhe rrezikut është jashtëzakonisht i hollë.
Kualifikueset e Big Air u karakterizuan nga truke me vështirësi të lartë, ku sportistët shtyjnë vazhdimisht limitet për pikë maksimale.