VIDEO/ Rrëshkitje e madhe dheu në Sierra Leone, varrosen nën baltë shtëpi dhe qindra persona
Qindra njerëz dyshohet se kanë vdekur dhe shumë të tjerë janë bllokuar në shtëpitë e tyre pas një rrëshkitjeje dheu pranë kryeqytetit të Sierra Leone, Freetown, njofton sot BBC, përcjell Syri.net.
Një kodër në zonën Regent u shemb të hënën në mëngjes pas shirave të dendur që lanë shumë shtëpi të mbuluara krejtësisht nga balta.
Një gazetar i BBC në vendin e ngjarjes tha se shumë njerëz mund të kenë qënë në gjumë në momentin kur ndodhi rrëshkitja.
Zyrtarët thonë se është ende herët për të dhënë numrin e saktë të viktimave.
Imazhet e publikuara në rrjetet sociale tregojnë njerëzit që kalojnë përmes ujit dhe baltës brenda dhe jashtë kryeqytetit Freetown.
Shërbimet e emergjencës ndodhen në vendin e ngjarjes duke u përpjekur të shpëtojnë njerëzit që janë bllokuar në shtëpitë e tyre, njofton Telegrafi i Sierra Leone.
Përmbytjet nuk janë të pazakonshme në Sierra Leone, ku shtëpi të paqëndrueshme rregullisht shemben nga reshjet e dendura.
Në vitin 2015, Freetown përjetoi përmbytje vdekjeprurëse të shkaktuara nga shirat e musonit që vrau 10 persona dhe la mijëra pa strehë. /SYRI.NET
Dramatic footage of deadly #Freetown #floods #Sierraleone #climatechangeisreal = more intense rains, flash flooding pic.twitter.com/yvHiceM13y
— S4CCC-SL (@scccsierraleone) August 14, 2017