'Mafia shqiptare drejton ekipin e futbollit', akuza në Ekuador për klubin nga Guayaquil
Mafia shqiptare dhe lidhjet e saj me futbollin është çështja e nxehtë që po diskutohet në Ekuador. Për të nxitur debatet shërbeu deklarata e gazetarit Andersson Boscan, i cili ka origjinë ekuadoriane, por aktualisht jeton dhe punon në Kanada.
Ai i bëri akuzat gjatë një programi ku ishte i ftuar. Aty u theksua se Astillero FC, skuadër e kategorisë së dytë në Guayaquil është përfshirë në një skandal të rëndë financiar, pas dyshimeve për lidhje me mafian shqiptare.
La mafia albanesa tiene un equipo, el Astillero F.C, bajo control de la FEF.
Genera 100k en ingresos.
Gasta hasta 3.8 millones.
Lo justifica alquilando su cancha a $ 50 la hora.
Ni alquilándola 24/7.
Ponemos su doble contabilidad a disposición de las autoridades. pic.twitter.com/CGSw6Xc7YP
Akuzat janë bazuar edhe në një raport, ku financimi i klubit realizohet nga ish-drejtori Héctor Pesantes Sangurima dhe kompania e sigurimit “Agusegpro”, e cila gjithashtu po hetohet për lidhje me mafian shqiptare. Sipas gazetarit Boscan, në vitin 2023 klubi ka shpenzuar deri në 3,8 milionë dollarë, por ka deklaruar të ardhura në vlerën e vetëm 100 mijë dollarëve.
Sipas klubit një pjesë e shpenzimeve gjenerohen duke dhënë me qira fushat, të cilat kushtojnë deri në 50 dollarë në orë. Por, gazetari ekuadorian theksoi se kjo shifër nuk do të mjaftonte as sikur dhënia e fushave me qira të bëhej gjatë gjithë 24 orëshit të gjithë kohëzgjatjes kalendarike të vitit.
Andersson Boscan njoftoi se provat për përdorimin e borderove të dyfishta do ti dorëzohen autoriteteve. Ndërkohë, në vitin 2025 klubi u shpall kampion i kategorisë së tij, duke kaluar direkt në turin e parë të kupës “Ascenso Nacional 2025” dhe tashmë luajnë në fazën e 1/8.