Tronditëse/ Adoleshenti nga Florida i vë flakën shokut të tij me benzinë, i riu transportohet me helikopter në spital
Një video tronditëse është publikuar së fundmi në Florida, ku shihet një 17-vjeçar, i identifikuar si Brandey Ming duke derdhur benzinë dhe duke i vënë flakën shokut të tij.
Në videon e postuar në rrjetet sociale, shokët e djalit që po digjej shihen duke qeshur dhe duke e këshilluar atë të vrapojë drejt liqenit për të shuar zjarrin. Incidenti ndodhi më 11 janar në ishullin Kauffman, në mes të liqenit Kerr në Florida.
Siç raportohet nga New York Post, menjëherë pas publikimit të videos, 17-vjeçari u arrestua për sulm të rëndë. E gjitha filloi kur katër miqtë ishin ulur rreth një zjarri dhe po pinin alkool në ishull. Papritmas, Ming filloi të luante me një bidon me benzinë.
💢 In Florida, United States, 17-year-old Bradey Ming faces felony aggravated battery charge after allegedly setting friend on fire with gasoline
— Anadolu English (@anadoluagency) February 6, 2026
Victim suffers second-degree burns and deep full-thickness injuries pic.twitter.com/YTulaGda4m
Në video, ai shihet duke hedhur benzinë në zjarr, duke bërë që flakët të ngjiten në ajër. Më pas Ming pyet miqtë e tij nëse dikush do të digjet. Ming filloi të hidhte benzinë në zjarr dhe pastaj vrapoi drejt shokut të tij, i cili ishte ulur pak më larg.
Ai i hodhi benzinë në këmbë dhe u përfshi nga flakët dhe ai menjëherë filloi të vraponte i panikuar dhe u hodh në një pellg për të shuar zjarrin. Më pas i plagosuri u transportua me helikopter në Spitalin UF Health Shands në Gainesville dhe u shtrua në njësinë e kujdesit intensiv pediatrik, ku mjekët diagnostikuan djegie të shkallës së dytë në krahun, këmbën dhe vithet e tij të djathtë.
Ai i gënjeu prindërit e tij për të mbuluar shokët e tij. I riu fillimisht u përpoq t’i mbulonte miqtë e tij duke i thënë nënës së tij se kishte hedhur një shishe benzinë në zjarr dhe kishte djegur veten. Megjithatë, babai i tij e pa videon e postuar në rrjetet sociale dhe kontaktoi zyrën e sherifit.
Ai i gënjeu prindërit e tij sepse Ming i kishte thënë të mos i tregonte askujt se çfarë kishte ndodhur. Pasi u shtrua në spital, i riu tha se kishte mardhënie të mirë me Ming.
Sipas dëshmitarëve, Ming donte ta ndizte zjarrin me benzinë për t’u ngrohur me të ftohtin. Një video tjetër kap momentin kur 17-vjeçari arrestohet nga policia, ndërsa ai përqafon nënën e tij dhe qan.