Bumi i qirave ditore/ Azo: Çmimet e larta tregojnë se ka mbi-ofertë tregu, rrezikohen investitorët!

Tregu i qirave ditore në Shqipëri po përballet me një sfidë të paprecedentë, ku rritja e pronave të ofruara po kërcënon të tejkalojë kërkesën, duke krijuar një situatë mbi-oferte dhe duke vënë në rrezik fitimet e investitorëve.

E ftuar në emisionin ‘Kush Paguan’ në Syri Tv nën moderimin e Klaudja Karabollaj, gazetarja Dorian Azo u shpreh se referuar të dhënave të fundit nga platforma AirDNA për vitin 2025, numri i pronave të listuara për qira ditore në platforma si Booking dhe Airbnb ka arritur në 26,000 në të gjithë vendin.

Kjo shifër, sipas saj përfaqëson një rritje prej 25% krahasuar me vitin 2024, kur ishin të regjistruara rreth 21,000 prona. Pavarësisht rritjes së ofertës, të ardhurat totale të gjeneruara për vitin 2025 llogariten në 136 milionë euro, një shifër që mund të mos pasqyrojë rritjen e numrit të njësive. Ky bum u nxit fillimisht nga fluksi i lartë i turistëve, të cilët preferojnë apartamentet ditore për shkak të çmimeve më të leverdishme krahasuar me hotelet.

Nisur nga kjo, theksoi gazetarja Azo, kjo joshi një numër të madh individësh që, duke filluar nga viti 2022, nxituan të investonin duke blerë apartamente ose duke i marrë me qira afatgjatë për t’i dhënë më pas me qira ditore. Tërheqja kryesore ishte premtimi për fitim të shpejtë, shpesh pa një njohuri të thellë të dinamikave të tregut.

Megjithatë, situata aktuale tregon shenja të një tregu të mbingopur. Çmimet e ofruara variojnë nga 40 deri në 80 euro për natë, që sipas Azos janë nivele dukshëm më të ulëta se në qytetet e tjera europiane, çka tregon një konkurrencë të ashpër dhe një mbi-ofertë të theksuar.

Ndërkohë që numri i apartamenteve është rritur, parashikimet për vitin 2025 tregojnë një rënie të numrit të turistëve krahasuar me kulmin e arritur në vitin 2023, duke krijuar një çekuilibër të rrezikshëm mes kërkesës dhe ofertës.

Fenomeni, shtoi ndër të tjera gazetarja Azo, është më i përqendruar në qytetet bregdetare si Durrësi, Vlora dhe Saranda, por një zgjim i këtij lloj biznesi është vërejtur edhe në Shkodër. Tashmë, shumë investitorë po kuptojnë se ky model biznesi nuk është më aq fitimprurës sa mendohej, duke sinjalizuar një pikë kthese për sektorin e qirave afatshkurtra në Shqipëri.

Kemi një shtim të numrit të tyre. Nga të dhënat që janë bërë për 2025-ën nga AirDNA, është një platformë që mban të dhënat e e pronave të listuara në për apartamente ditore, si në Booking ashtu dhe në AirB&B, janë gati 26,000 prona që janë dhënë për qira ditore në të gjithë Shqipërinë. Krahasuar me vitin 2024, numri i tyre është rritur gati 25%. Pra nga 21,000 që kishim në 2024 ka shkuar në 26,000.

E gjitha kjo është edhe për shkak të efektit të turizmit, sepse shumë turistë që vijnë në Shqipëri preferojnë të rrinë në apartamente ditore për shkak të çmimit më të leverdishëm sesa në hotele. Por e gjitha kjo situatë ka krijuar, të themi një mbi-ofertë në tregun e qirave afatshkurtër, nisur dhe nga çmimet që ato ofrojnë, sepse çmimet e qirave afatshkurtra variojnë nga 40 euro nata deri në 80 euro, gjë që kjo nuk ndodh, nuk e gjen në një qytet europian, qoftë në kohë sezoni apo dhe jashtë sezoni me këto çmime dhe tregon që këtu ka mbi-ofertë.

Unë doja të ndalesha pak tek ky tregu. Ky tregu ka patur një veçori të veçantë. Në 2022-shin pati një, pati një shtim të interesit të shumë individëve që të blejnë, të blejnë apartamente ose ta marrin me qira afatgjatë për ta dhënë me qira afatshkurtër. Folësi 1: Për të investuar. Folësi 2: Për të investuar, nuk ishin dhe në dijeni të se si funksiononte ky treg, por josheshin nga fitimi i shpejtë. Pra sillte të ardhura, siguronte të ardhura të shpejta.

Më pas pati një bum të turizmit, të ardhjes së turistëve në 2023-shin. 2024-ta filloi të venitet numri i turistëve. 2025-ta e tregoi që numri ra, ndërkohë këto u shtuan. Këto struktura u shtuan dhe madje të ardhurat që kanë gjeneruar për vitin 2025 kanë qenë 136 milionë euro për gjithë, për gjithë Shqipërinë. Të përqendruara në qytetet bregdetare, Durrës, Vlorë, Sarandë dhe Shkodra,  ka patur një zgjim të këtij lloj biznesi. Tani njerëzit e kuptuan që ky biznes nuk është më i leverdishëm.