Lajçak përfshin Gjukanoviçin në dosjet e Epsteinit, reagon Ish presidenti malazez
Emri i Ish-presidenti dhe ish-kryeministri i Malit të Zi, Millo Gjukanoviç, përmendet në dosjet e ndërlidhura me të dënuarin për krime seksuale, Jeffrey Epstein, të publikuara nga Departamenti Amerikan i Drejtësisë.
Emri i Gjukanoviç përmendet në mesazhet që Epstein dyshohet se ka shkëmbyer me politikanin sllovak Miroslav Lajcak.
Në njërin nga mesazhet, Lajçak shkruan se presidenti i Malit të Zi “po i gëzohet vizitës sonë”.
Epstein i përgjigjet Lajçakut: “Ndoshta ai duhet t’i ofrojë strehim Donaldit”.
Lajçak përgjigjet se “pika e dobët e Donaldit është Mali i Zi”.
Më pas, Epstein i shkruan Lajçakut se ish-avokati i presidentit të Shteteve të Bashkuara, Donald Trump, Michael Cohen, dhe ish-këshilltari i Trumpit, Paul Manafort, “të dy janë fajtorë”, duke shtuar “fillimi i fundit”.
Në një reagim në rrjetin social X, Milo Gjukanoviç tha se nuk e njihte Jeffrey Epstein dhe se nuk kishte pasur kurrë ndonjë komunikim të drejtpërdrejtë apo të tërthortë me Epsteinin.
"Në përgjigje të interesit të shpeshtë të medias në lidhje me publikimin e komunikimeve të të ndjerit Jeffrey Epstein, ju informoj se nuk e njihja Epstein, as nuk kam pasur ndonjëherë komunikim të drejtpërdrejtë ose të tërthortë me të. Prandaj, kuptohet, nuk mund të dëshmoj për besueshmërinë e bisedave të publikuara të Epstein, as për vizitat e tij të mundshme në Mal të Zi," shkroi Gjukanoviç në llogarinë e tij në rrjetin X.
Na učestalo interesovanje predstavnika medija povodom objave komunikacija pokojnog Džefrija Epstina obavještavam da Epstina nijesam poznavao, niti sam sa njim ikad obavio neposrednu ili posrednu komunikaciju.
— Milo Đukanović (@DjukanovicCG) January 31, 2026
Zato, razumljivo ne mogu svjedočiti o vjerodostojnosti objavljenih…