1275 bimë narkotike ë kultivuara në Malësinë e Madhe, arrestohet 25-vjeçari

Një 25-vjeçar është arrestuar pas dyshimeve për kultivimin e bimëve narkotike në bashkëpunim me familjarët e tij. Shtetasi G. Sh., banues në fshatin Aliaj, Malësi e Madhe, akuzohet se ka kultivuar 1275 bimë narkotike pranë banesës së tij. Bimët janë gjetur dhe asgjësuar nga autoritetet në shtator të vitit 2025.

Pas hetimeve, Gjykata e Shkallës së Parë Shkodër ka caktuar masën "Arrest në burg" për të, për veprën penale "Kultivimi i bimëve narkotike", kryer në bashkëpunim. Materialet janë dërguar për veprime të mëtejshme në Prokurorinë e Shkodrës.

Njoftimi i Policisë:

Malësi e Madhe/Vihet në pranga 1 shtetas i shpallur në kërkim.

Akuzohet se në bashkëpunim me familjarët e tij, ka kultivuar 1275 bimë narkotike pranë banesës së tyre, në fshatin Aliaj. Arrestohet 25-vjeçari.

Bimët narkotike janë gjetur dhe asgjësuar nga shërbimet e Policisë në muajin shtator.

Specialistët e Seksionit për Hetimin e Krimeve të Komisariatit të Policisë Malësi e Madhe ndaluan shtetasin G. Sh., 25 vjeç, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.

Nga hetimet e kryera dyshohet se ky shtetas, në bashkëpunim me familjarët e tij, ka kultivuar në tokën pranë banesës së tyre, në fshatin Aliaj, 1275 bimë narkotike, të cilat janë gjetur dhe asgjësuar nga shërbimet e Policisë më datë 04.09.2025.

Materialet procedurale iu referuan Prokurorisë së Shkodrës për veprime të mëtejshme.