Greqia përballet me mot të keq, erëra të forta dhe stuhi shiu priten ditën e sotme

Moti i keq i quajtur “Kristin” do të prekë sot, të enjten (29 janar), pjesën më të madhe të Greqisë, duke sjellë shira të rrëmbyeshëm, stuhi të forta dhe breshër lokal, kryesisht në zonat perëndimore, ishujt dhe përkohësisht edhe në Atikë.

Sipas Buletinit Emergjent të Shërbimit Kombëtar Meteorologjik, fenomeni do të jetë i shkurtër, por intensiv, me kulmin e tij nga orët e mëngjesit deri në mesditë në Ishujt Jon, Epir dhe Greqinë perëndimore, ndërsa Atika do të preket përkohësisht rreth mesditës. Nga pasditja, moti i keq do të zhvendoset drejt Trakisë dhe Ishujve të Egjeut lindor.

Meteorologët paralajmërojnë gjithashtu për:erëra të forta jugore deri në 8–9 Beaufort në det dhe pluhuriafrikan, kryesisht në pjesën jugore.

Sipas meteorologut Thodoris Kolydas, sistemi i fuqishëm atmosferik po lëviz gradualisht drejt lindjes dhe shoqërohet me shumë rrufe dhe kushte të paqëndrueshme. Ndërkohë, George Tsatrafillias paralajmëron për probleme lokale, veçanërisht në Detin Jon, Epir, Peloponezin perëndimor, Traki dhe Egjeun lindor.

Moti pritet të përmirësohet të premten, por një valë e re moti të keq me shira në pjesën më të madhe të vendit parashikohet edhe gjatë fundjavës.