'Fshati grek që ofron para për të jetuar brenda tij'/ Kryeplaku: Po inkurajojmë banorët...

Fshati Oleni në Ilia të Greqisë po bën një hap të papritur dhe të veçantë për të mbështetur familjet dhe amësinë. Gjatë takimit me banorët në takimin me anëtarët e Folklorit Kulturor, kryetari i fshatit, George Dimitropoulos, njoftoi një iniciativë që po tërheq vëmendjen e të gjithë komunitetit.

Ai bëri me dije se do të ndajë nga paga e tij personale një shumë prej 1,000 eurosh për çdo grua që zgjedh të qëndrojë përgjithmonë në Oleni dhe të jetojë aty, si dhe për çdo grua që vendos të rrisë fëmijët e saj në këtë fshat.

Sipas Dimitropoulos, iniciativa ka një “gjurmë të qartë sociale dhe zhvillimore” dhe synon të mbështesë familjen, amësinë dhe qëndrimin e të rinjve në komunitet.

Ai e përshkroi këtë hap si një shembull të solidaritetit praktik dhe të përkujdesjes për zhvillimin e fshatit dhe të ardhmen e tij.

Të pranishmit në ceremoninë festive e kanë pritur njoftimin me entuziazëm dhe e përshkruan si një shembull të ndjeshmërisë dhe mbështetjes së grave dhe familjeve që vendosin të kontribuojnë për komunitetin lokal.

Kjo iniciativë pritet të ndikojë pozitivisht në zhvillimin e fshatit dhe të inkurajojë të rinjtë dhe familjet e reja të qëndrojnë dhe të rrisin fëmijët në vendlindje, duke ruajtur kulturën dhe traditat lokale./ Përgatiti: Syri.net

FOTO GALERI: